Дозволени намирници и нивната грамажа во жолта фаза

ВО ЖОЛТАТА ФАЗА МОЖЕТЕ ДА ГИ КОНЗУМИРАТЕ СЛЕДНИВЕ НАМИРНИЦИ:

 

ЗЕЛЕНЧУК

Можете да го користите во неограничена количина следниов зеленчук :

Блитва, брокула, спанаќ, зеље, зелена салата, тиквици, модар патлиџан, краставица, зелена пиперка, ротквици, целер, печурки, карфиол.

Можете да го користите во мала количина – до 150 гр по оброк следниов зеленчук:

Боранија, домат, црвена и жолта пиперка, морков, лист од целер, зелка, кељ, келераба, прокељ, цвекло,тиква, артичоки, аспарагус, кромид, праз.

Избегнувајте го во жолтата фаза следново :

Тестенини, ориз, компир, грав, леќа, пченкарен гриз, бел леб.

 

ОВОШЈЕ

Можете да го користите во предложени количини едно од следново овошје:

1 портокал, 1 јаболко, 1 крушка, 1 праска, 2 кајсии, 2 киви, 2 мандарини, ½ грејпфрут, грст јагоди, малини, капини, боровинки, рибизли, црешни, вишни, 2 кришки диња, 1 кришка лубеница, 2 кришки свеж ананас, ½ банана.

Избегнувајте го во жолтата фаза :

Смокви, грозје, сливи, кокосов орев, суво и јаткасто овошје: ореви, бадеми, лешници, семки, урми.

 

НАМИРНИЦИ БОГАТИ СО ПРОТЕИНИ (МЕСО И РИБА)

Можете да користите во количина 150-200 грама (половина порција):

МЕСО: бело пилешко и мисиркино месо (без кожа), телешко, јунешко, коњско, зајачко месо, свинско филе.

РИБА: ослич, пастрмка, зубатец, бранцин, орада, шкарпина,  лист или повремено морски плодови.

ЈАЈЦА:2 јајца (не повеќе од 2 пати неделно).

Избегнувајте го во жолтата фаза:

Мрсно месо (свинско, јагнешко, јарешко, гускино) и мрсна плава риба (сардина, туна, гирици, лосос) сувомеснати производи .

 

ПОДГОТОВКА НА НАМИРНИЦИТЕ :

Во текот на Nutrical  ПРОГРАМАТА потребно е намирниците да се подготвуваат на тефлон, скара или  во рерна, готвено на водена пареа или во лонец, во микробранова печка. Намирниците не треба да се пржат во масло или да додавате повеќе масло отколку што е потребно (препорачуваме ЕДНА лажица масло на ден).

За да бидат јадењата повкусни предлагаме додавање на разни зачини (свежи или сушени) маслиново или друго ладно цедено нерафинирано масло, сенф и лимонов сок.